हिमायतनगर तालुक्यात वादळी वाऱ्यासह तुफान गारपिठ नुकसानीचे तात्काळ पंचनामे करा :- आमदार जवळगावकर

हिमायतनगर : नागोराव शिंदे  - 

हिमायतनगर   शहर व तालुक्यात आज दि ११ फेबुरवारी सायंकाळी साडेचार वाजेच्या सुमारास अचानक वादळीवाऱ्यासह गारांचा पाऊस झाला यामुळे शेती पिकांचं मोठं नुकसान झाले आहे

या नुकसानीचे पंचनामे करून शेतकऱ्यांना तात्काळ मदत द्यावी अशी मागणी हदगाव हिमायतनगर तालुक्याचे लोकप्रिय आमदार माधवराव पाटील जवळगावकर यांनी नांदेडचे जिल्हाधिकारी अभिजीत राऊत यांच्या कडे केली  आहे.

हिमायतनगर शहरां सह तालुक्यातील वाघी, जवळगाव, कामारी वारगंटाकळी, सरसम, पळसपुर,घारापुर,खडकी, बोरगडी, टेंभुर्णी, डोलारि,सिरपल्ली, सह आदी गावात अचानक वादळी वाऱ्यासह  गारांचा पाऊस झाला आहे

सायकाळी ४ ते ५च्या सुमारास जांबा पेक्षाही मोठ्या गारा पडल्यामुळे अनेकांची एकच धावपळ उडाली होती. तर शेती पिकात असलेल्या हरभरा, गहू, करडई, तूर, यासह अन्य पिकांचे मोठ्या प्रमाणात नुकसान झाले आहे

तर आंब्याच्या झाडाला आलेलं मोहर देखील मोठया प्रमाणात गळून पडला आहे त्यामुळे शेतकऱ्यांच्या हाता तोंडाशी आलेल्या पिकांचे अतोनात नुकसान झाले आहे ह्याचे तात्काळ पंचनामे करून शेतकऱ्यांना तात्काळ आर्थिक मदत मिळून द्यावी अशी मागणी हदगाव हिमायतनगर तालुक्याचे लोकप्रिय आमदार माधवराव पाटील जवळगावकर यांनी नांदेड जिल्ह्याचे जिल्हाधिकारी अभिजीत राऊत यांच्या कडे केली आहे...

⬛ शेतकऱ्याच्या हाता तोंडाशी आलेल्या पिकांचे नुकसान..:- प्रल्हाद पाटील

तालुक्यातील टेंभुर्णी / पावनमारी परिसरात झालेल्या अचानक गार पिठी मुळे शेतकऱ्यांच्या शेतातील हरभरा,गहू,पिकांचे अतोनात नुकसान झाले आहे अगोदरच अस्मानी संकटाने शेतकरी परेशान होता

ह्या सुलतानी संकटाने शेतकऱ्यांच्या हाता तोंडाशी आलेल्या पिकांचे अतोनात नुकसान झाले आहे ह्याचे तात्काळ पंचनामे करून मदत मिळून द्यावी अशी प्रतिक्रिया टेंभुर्णी येथील शेतकरी प्रल्हाद पाटील यांनी आमच्या नायगाव फास्ट न्यूज हिमायतनगर  प्रतिनिधीशी बोलताना  सांगितले आहे