प्रक्षोभक विधान करुन समाजात धार्मिक तेढ निर्माण करणाऱ्या तेलंगाणातील वादग्रस्त आ.टी.राजासिंग यास नांदेड जिल्हाबंदी करण्यात यावे अशी मागणी एका निवेदनाद्वारे नायगावच्या तहसीलदारा मार्फत .जिल्हाधिकारी यांच्याकडे अॉल इंडिया तन्जीम ए इन्साफ शाखा नायगावच्या वतीने निवेदनाद्वारे मागणी करण्यात आले आहे
मुस्लिम धर्मियांचा पवित्र रमजान महिना सुरु असून दि.१४ एप्रिल रोजी भारतीय संविधानाचे निर्माते, महामानव,विश्वरत्न डाॅ. बाबासाहेब आंबेडकर यांचा जन्मोत्सव सर्वत्र साजरा होत असते -
परंतु नांदेड जिल्ह्यातील कायदा व सुव्यवस्थेला बिघडविण्यासाठी जिल्ह्यातील बिलोली व मुदखेड येथे विविध प्रकरणी अनेक गुन्हे असलेले तेलंगाणातील वादग्रस्त आ.टी.राजासिंग याची सभा व रॅलीचे आयोजन करण्यात आले आहे वादग्रस्त आ.टी.राजासिंग याच्या विरोधात तेलंगाणात विविध कलमान्वये अनेक गुन्हे दाखल आहेत
ज्यात धार्मिक तेढ निर्माण करने, धार्मिक दंगलीसाठी प्रक्षोभक विधान केल्याप्रकरणी राऊडी शिटर म्हणून घोषित करण्यात आले आहे तसेच सन २०२३ साली महाराष्ट्रातील लातूर, अहमदनगर, औरंगाबाद जिल्ह्यातील हिंदू जन आक्रोश मोर्चात आ.टी.राजासिंग याने धार्मिक तेढ निर्माण करणारे भाषण केल्या प्रकरणी उपरोक्त जिल्ह्यातील पोलिसांनी त्याच्या
विरोधात लातुर येथे दि.२७ फेब्रुवारी २०२३ रोजी भादवी १५३-अ, १५३ -ब, २९५ अ, ५०५, अहमदनगर जिल्ह्यात दि. १० मार्च २०२३ रोजी भादवी २९५-अ, ५०४ व ५०६, औरंगाबाद जिल्ह्यात दि. १९ मार्च २०२३ रोजी भादवी १५३, १५३-अ, ५०५, ३४ प्रमाणे गुन्हे दाखल करण्यात आले आहे यामुळे वादग्रस्त वक्तव्य करुन समाजात धार्मिक तेढ निर्माण करणाऱ्या व्यक्तीची आपल्या जिल्ह्यातील बिलोली व मुदखेड येथे सभा व रॅलीचे आयोजन करण्यात आल्याची माहिती आहे
सदरील सभेच्या माध्यमातून धार्मिक तेढ निर्माण होऊन जिल्ह्यातील कायदा व सुव्यवस्था बाधित होण्याची शक्यता आहे यामुळे नांदेड जिल्ह्याची कायदा व सुव्यवस्था अबाधित ठेवण्यासाठी आ.टी. राजासिंग यांना जिल्हाबंदी करावी अशी मागणी अॉल इंडिया तन्जीम ए इन्साफ शाखा नायगावच्या वतीने करण्यात आली आहे
अन्यथा तीव्र आंदोलन छेडण्याचा इशारा एका निवेदनाद्वारे मा.जिल्हाधिकारी यांच्याकडे करण्यात आले आहे सदर निवेदनावर शेख आरीफ,सद्दाम पटेल,सय्यद अजिम ,साजीद बागवान,बेग इरफान नरसीकर, रफिक पठाण नरसी,अझहर शेख नरसी यांच्या स्वाक्षऱ्या आहेत
0 Comments