कुंटूरच्या घोंगडी ने माळेगाव यात्रेत बचत गटाच्या वस्तूचे प्रदर्शनात घोंगडी ठरली मुख्य आकर्षण

बरबडा :- किरण हणमंते :- 

नायगाव तालुक्यातील कुंटूर येथील मेंढीच्या केसापासून हातकामणे बनवलेल्या  घोंगडीचे प्रदर्शन माळेगावच्या महाराष्ट्र राज्य ग्रामीण जीवनोन्नती अभियानाच्या बचत गट स्टॉल मिळाव्यात भरले. या मेळाव्यात मुख्य आकर्षण घोंगडीने ठरल्याने जिल्ह्यातील प्रकल्प अधिकारी व सर्व अधिकाऱ्यांनी घोंगडीचे कौतुक करून त्यांचा फोटो काढण्याचा मोह न आवरल्याने त्यांच्या सोबत फोटो काढले आहे

त्यांनी घोंगडी अंगावर टाकून, मफरेल बांधून फोटो काढून सोशल मीडिया वर टाकण्याचा मोह त्यांना आवरला नाही.  त्यामुळे बचत गटाच्या व माळेगाव यात्रेत भरलेल्या बचत गट मेळाव्यामध्ये  मुख्य आकर्षण कुंटुरच्या घोंगडीने चमक  दाखवली आहे . 

कुंटुर येथील महालक्ष्मी महिला बचत गट व गिरजाबाई महिला बचत गटामार्फत गेल्या पाच वर्षापासून हातानेच  घोंगडी बनवले जाते . या घोंगडीसाठी मेंढीचे केसे कापून त्यापासून दोरा विणून सदर घोंगडी हाताने विणले जाते. या घोंगडी विणण्यासाठी विज लागत नाही व कोणते यंत्रही लागत नाही. लाकडाने बनवलेल्या यंत्र हात माग याच्यामुळे सदर घोंगडी बनवले जाते.आहे

या दोन्ही गटातील महिला आपल्या घरी मेंढ्या पालन केले जातात त्या मेंढ्याचे केस कापून त्या केसापासून दोरा वळून घोंगडी बनवले जाते त्यामुळेही घोंगडी गेल्या पाच वर्षांपासून मुंबई महाराष्ट्राच्या सर्व जिल्ह्याच्या प्रदर्शनामध्ये आकर्षण ठरली आहे.  त्याचबरोबर माळेगाव यात्रा तब्बल दोन वर्षानंतर या वर्षी भरले आहे. या माळेगाव यात्रेमध्ये सर्व बचत गटाचे स्टॉल व विक्रीसाठी आलेल्या वस्तूचे प्रदर्शन होते त्यामध्ये मुख्य आकर्षण म्हणून घोंगडीला सर्व स्तरातून प्रतिसाद मिळाला असून अधिकाऱ्यांपासून ते सर्व भाविक भक्तांनी घोंगडीचे कौतुक केले

महिलांनी बनवलेल्या बचत गटाला सध्या मागणी होताना दिसत आहे. त्यामुळे महिला सक्षम बनत आहेत. त्यामुळे त्या गटाचे सर्वत्र कौतुक केले जात आहे.

नायगाव गटविकास अधिकारी आर. एल. वाजे यांच्या मार्गदर्शनाखाली मलेश एडके तालुका अभियान व्यवस्थापक यांच्या मार्फत गटाला लाखों रुपये कर्ज उपलब्ध करून दिली जात आहे

कुंटुर मध्ये  प्रकारे उत्पादित केलेल्या घोंगडीला चांगला भाव व चांगले किंमत मिळत असल्याने महिला बचत गटात आर्थिक मदत मिळत असल्याचेही बोलले जाते यावेळी  महाराष्ट्र राज्य ग्रामीण जीवन्नोती अभियानाचे प्रकल्प  संचालक डॉ.संजय तुबाकले, उपमुख्य कार्यकारी अधिकारी मंजुषा जाधव,  नांदेड जिल्हा अभियान व्यवस्थापक गजानन पातेवार , जिल्हा व्यवस्थापक दारकादास राठोड, जिल्हा व्यवस्थापक माधव भिसे, ईरवंत सुर्यकर नायगाव तालुका व्यवस्थापक रेखाताई अनिल कांबळे कुंटुरकर, महालक्ष्मी महिला बचत गटांच्या अध्यक्ष माळसाबाई वडे, सचिव गंगाबाई महादळे, गिरजामाय महिला बचत गटांच्या अध्यक्ष धुरतबाई  वडे , सचिव गोदावरी संभाडे, आदी उपस्थित होते.