बरबडा येथील स्वातंत्र्य सेनानी कै. गोविंदरावजी धर्माधिकारी सभागृहात व्याख्यानमाला संपन्न

बरबडा :- किरण हणमंते :- 

बरबडा येथे जवाहरलाल नेहरू माध्यमिक व उच्च माध्यमिक विद्यालयाच्या यांच्या स्वातंत्र्य सेनानी गोविंदरावजी धर्माधिकारी बरबडेकर सभागृहात आयोजित करण्यात आला होता. त्याप्रसंगी कै.दिगंबररावजी धर्माधिकारी बरबडेकर यांच्या एकवीस व्या पुण्यस्मरणा निमित्त व्याख्यानमाला आयोजित करण्यात आला होता. हा कार्यक्रम अठरा सप्टेंबर  रोजी रविवारी सकाळी ठिक अकरा वाजता कार्यक्रमाला सुरवात करण्यात आले.

 तत्पूर्वी सावित्रीबाई फुले व कै दिगंबररावजी धर्माधिकारी यांच्या प्रतिमेचे पुजन मान्यवरांच्या हस्ते करून त्यांना अभिवादन करण्यात आले. त्यानंतर सर्व मान्यवरांचा सत्कार करण्यात आला.

या कार्यक्रमाचे अध्यक्ष म्हणून जवाहरलाल नेहरू शिक्षण समितीचे उपाध्यक्ष मा. सदाशिवराव धर्माधिकारी होते . तर व्यासपीठावर व्याख्याते म्हणुन जेष्ठ साहित्यिक मा. प्रा. नारायण शिंदे, प्रसिद्ध कवी मा. प्रा.मनोज बोरगावकर  जवाहरलाल नेहरू शिक्षण समिती चे अध्यक्ष तथा विद्यालयाचे प्राचार्य दिलिपराव धर्माधिकारी, बरबडा नगरीचे सरपंच माधव कोलगाणे, संचालक शिवाजीराव धर्माधिकारी, देविदासराव नेरलेवाड, इरन्ना कंडापल्ले, जगदिशराव धर्माधिकारी, उपमुख्याध्यापक गणेश बडूरे, पर्यवेक्षक सुर्यकांत फड, प्रकाशराव धर्माधिकारी, भागा मोरे, माजी उपसरपंच बालाजीराव धर्माधिकारी, ग्रामपंचायत सदस्य बालाजी घोसलवाड, बाबु इंद्रवाड, सदाशिव पा. पचलिंग, शंकर पा. बेले, पि. जि. रुद्रवाड, दत्ता गिरे, प्रा.वसंत शिंदे  इत्यादी मान्यवरांची उपस्थिती होती.

सुरवातीला आपले मनोगत व्यक्त करताना प्रा. सोळंके, प्रा. तगडपल्लेवार आणि एन. टी. तिप्पलवाड या सर्वांनी कै. दिगंबरराव धर्माधिकारी यांच्या कार्याचा गौरव करत आपल्याला कशा पद्धतीने सहवास लाभला असे सांगितले. त्यांनी राजकारण आणि समाजकारण करताना कशा रितीने करून माणसाला आपलस करून घेतले व नवरात्रीला अनेक कार्यक्रम घेऊन समाज कार्याला हातभार लावल्याचे सांगण्यात आले.

तर काहींनी ज्या गोष्टी आपल्याला माहिती नसताना सुद्धा उपलब्ध करून वेगवेगळे साहित्यिक, कवी, कथाकर, नाटककार यांना बोलावून त्यांचा सन्मान करून आपल्या गावाच नाव महाराष्ट्र भर गाजवणार व्यक्तीमत्व म्हणून त्यांच्याकडे आदर्शाने लोक बघून त्याना ओळखत असत अशी त्यांची महती या निमित्ताने सांगण्यात आली.

जेष्ठ साहित्यिक नारायण शिंदे आणि प्रसिद्ध कविकार प्रा. मनोज बोरगावकर यांनी आपल्या विशेष शैलीत विद्यार्थ्यांना मार्गदर्शन अभ्यासाविषयीं करून कै. दिगंबरराव धर्माधिकारी यांच्या जिवन चरित्रावर प्रकाश टाकला. या धर्माधिकारी परिवाराचे मोठे योगदान असल्याचे सांगण्यात आले. त्यांना विविध ठिकाणी मनाचे स्थान आहे. अशा पद्धतीने त्यांच्या कार्याचा पाढा विध्यार्थ्या पुढे सांगण्यात आला या कार्यक्रमाचे प्रास्ताविक गणेश बडूरे, तर सुत्रसंचालन प्रा. शिवाजी हंबर्डे आणि आभार संतोष पचलिंग यांनी केले.