महाराष्ट्राचे माजी उपमुख्यमंत्री दिवंगत आर आर पाटील यांच्या स्वप्नातील महात्मा गांधी तंटामुक्त समिती ग्रामीण भागात नावालाच उरली असल्याने राज्यातले सरकार लक्ष देईल का ?

       

       माधव पवार 

महाराष्ट्राचे माजी उपमुख्यमंत्री दिवंगत आर आर पाटील यांच्या स्वप्नातील महात्मा गांधी तंटामुक्त समिती ग्रामीण भागात नावालाच उरली असून सदरची मोहीम अतिशय महत्व कांक्षी असली तरी त्यांची अमलबजावणी नीट केली जात नाही स्पष्ट चित्र ग्रामीण भागात दिसून येत आहे

महात्मा गांधी तंटामुक्ती समितीच्या माध्यमातून गावातील छोटे मोठे होत असलेले तंटे गावातच मिटले पाहिजे असा या महात्मा गांधी तंटामुक्त समितीचा मूळ हेतू आहे

महाराष्ट्र शासनाने ग्रामीण भागात शांतता व सलोखा राखण्यासाठी महात्मा गांधी तंटामुक्त गाव अभियान १५ ऑगस्ट २००७ रोजी सुरू केली असली तरी या महात्मा गांधी तंटा मुक्त समितीला फार असे महत्व सध्या तरी उरले नसल्याचे ग्रामीण भागातील खेड्या पाड्यात दिसून येत आहे

राज्यात भारतीय युतीचे सरकार असल्यामुळे या महात्मा गांधी तंटामुक्ती समिती मोहिमेला फार अस महत्व दिले जात नसल्यामुळे या समितीचा नुसता उघडा बोजवारा झाला आहे

राज्याचे माजी उपमुख्यमंत्री दिवंगत आर आर पाटील यांनी त्यांचे सरकार राज्यात  सत्तेवर असताना या मोहिमेची निर्मिती केली होती या अंतर्गत प्रत्येक ग्रामपंचायत स्तरावर महात्मा गांधी तंटामुक्त गाव समितीची स्थापना करण्यात आली होती

परंतु या समितीला काही महत्व उरले नसल्यामुळे गावातील छोटे-मोठे वाद परस्पर तड जोडीने मिटण्या ऐवजी थेट पोलीस ठाण्यात जात असल्याचे ग्रामीण भागात दिसून येत आहे